Բարի գալուստ
Կենսագրություն
Արամ Պաչյանը արձակագիր է: Մամուլում հրատարակված պատմվածքների համար 2010 թվականին արժանացել է ՀՀ Նախագահի երիտասարդական մրցանակի: «Ռոբինզոն և 13 պատմվածք» առաջին գիրքը հրատարակվեց 2011թվականին՝ հեղինակին բերելով ճանաչում, գնահատվելով գրական համայնքի կողմից: «Ցտեսություն, Ծիտ» վեպը լույս տեսավ 2012 թվականին և կարճ ժամանակում դարձավ ամենաքննարկվող գրքերից մեկը: Վեպը վերահրատարակվել է մի քանի անգամ և ըստ գրավաճառների վերջին 7 տարիների ընթացքում ամենակայուն վաճառքներ ունեցող հայ հեղինակի գիրքն է:
նորություններ
Րևան
Գործեր
Բլոգ
գրքեր
P/F
վեպ
2020
«P/F»-ը գրված է հատվածային, փորձարարական արձակի ոճով, նաև Ձեն-բուդդայական կոաններին բնորոշ հնչերանգով: Գրքում հանդիպում են հին ու նոր Երևանը, քաղաքի բանտարկված գետը՝ Գետառը, 2000-ականներին շահագործումից հանված տրամվայը և մենակ մարդը։
Օվկիանոս
պատմվածքներ
2014
«Օվկիանոս» ժողովածուն ներառում է պատմվածքներ ու էսսեներ: Նրա ինքնատիպ ու արդեն ճանաչելի գրողական ձեռագիրն այստեղ երևան է բերում նոր կարելիություններ՝ ժանրային, թեմատիկ և այլ մասնավորություններում:
Ցտեսություն, Ծիտ
վեպ
2012
Բանակից զորացրված 28 ամյա զինվորի հալուցինացիաները միմյանց միջով բացվող պատուհաններ են, որոնք վերադարձի և վերջնական հրաժեշտի բացառիկ հնարավորություն են ընձեռում նրան: Հեղինակին հատկապես մեծ ճանաչում բերեց այս վեպը։
Ռոբինզոն
պատմվածքներ
2011
Պատմվածքների այս ժողովածուն համաշխարհային «ռոբինզոնադի» ավանդույթների յուրօրինակ շարունակությունն է՝ Արամ Պաչյանի գրողական ինքնատիպության դրոշմով: Այս գրքում ընդգրկված պատմվածքների համար է Պաչյանը ստացել ՀՀ Նախագահի մրցանակ։
